Saturday, July 23, 2016

PART 9 MAALIM SEIF SHARIFF HAMAD ANAENDELEA NA ZIARA YAKE HUKO NCHINI UHOLANZI



Mr. Seif Sharif Hamad, popular known as Maalim Seif.. He is the secretary-general of the opposition Civic United Front (CUF) party.

Alhamdulillah! Maalim Seif Sharif Hamad na ujumbe wake wamemaliza ziara ya nchi za Ulaya kwa hatua hii na hapa wanaonekana wakiwa Amsterdam Schiphol Airport, Uholanzi saa 1:00 asubuhi leo wakiwa wanasubirii treni kwa safari ya kurudi London, Uingereza.

Maalim Seif atapumzika London kwa siku moja leo, na kesho asubuhi ataondoka London kwa ajili ya kuelekea Philadelphia, nchini Marekani ambako amealikwa kuhudhuria Mkutano Mkuu wa Chama cha Democrats utakaompitisha Hillary Clinton kuwa Mgombea Urais wa Marekani kupitia chama hicho.

Friday, July 22, 2016

RAIS WA NYOYO ZA WAZANZIBARI AMEFIKA ICC THE HAGUE SALAMU ZENU MULIO ZOAE KUUWA NA KUTESA WAZANZIBARI KATIKA NCHI YAO


 Ijumaa, Julai 22, 2016
ALIYEKUWA mgombea urais wa nchi ya Zanzibar katika Uchaguzi Mkuu wa mwaka jana kwa tiketi ya Chama cha Wananchi (CUF), Maalim Seif Sharif Hamad, leo amekwenda Mahakama ya Kimataifa ya Uhalifu (ICC) kuwashtaki viongozi ambao wanaminya demokrasia nchini Zanzibar. Taarifa za Maalim Seif ambaye ni Katibu Mkuu wa chama hicho kuwasili katika mahakama hiyo mjini The Hague, zilibainishwa mjini Dar es Salaam nchini Tanganyika jana na Naibu Katibu Mkuu wa CUF (Zanzibar),Nassor Mazrui alipozungumza na waandishi wa habari. “Maalim Seif alipeleka maombi Mahakama ya ICC, kajibiwa ndiyo maana kesho (leo) anafika mahakamani kuelezea jinsi demokrasia inavyominywa Zanzibar. “Amepeleka vielelezo vingi, vikiwamo vya uvunjaji wa haki za binadamu, baada ya maelezo mawakili wataendelea na utaratibu wa kimahakama,”alisema Mazrui. Katika uchaguzi wa marudio uliofanyika Machi 20, mwaka huu, baada ya ule wa mwaka jana kufutwa, Maalim Seif hakushiriki kwa madai kuwa haukuwa halali. Alisema katika Uchaguzi Mkuu wa mwaka jana uliofutwa na Mwenyekiti wa Tume ya Uchaguzi Zanzibar (ZEC), Jecha Salum Jecha, kwa madai kulikuwa na kasoro nyingi, licha ya waangalizi wa kimataifa kusema ulikuwa huru na haki. Katika uchaguzi wa marudio, mgombea wa Chama Cha Mapinduzi (CCM), Dk. Ali Mohamed Shein aliibuka mshindi kwa kupata kura 299,982 ambazo ni sawa na asilimia 91.4, akifuatiwa na na mgombea wa Chama cha ADC, Hamad Rashid Mohamed aliyepata kura 9,734 ambazo ni sawa na asiilimia 3.IGP MANGU USITAKE KUTISHA WATU KAMA UNAOGOPA KWENDA ICC JIUZULU NENDA NYUMBANI UKAPUMZIKE
Kuhusu kauli ya Mkuu wa Jeshi la Polisi (IGP), Ernest Mangu kuwa jeshi hilo litamkamata na kumfikisha mahakamani Maalim Seif, Mazrui alisema ni jambo ambalo haliwezekani. Alisema hofu ya IGP Mangu, inatokana na kuona kuna kila dalili za viongozi wa Serikali ya Mapinduzi ya Zanzibar (SMZ) na yeye mwenyewe kufikishwa mahakamani. “Tunasema azma ya kuwafikisha mahakamani vinara wote wa uminyaji wa demokrasia na uvunjaji wa haki za binadamu iko pale pale. “Ameamua kutumia mkakati wa kutaka kumkamata kiongozi kama njia ya kujipapatua ili kuhakikisha lengo la CUF halifanikiwi,”alisema. Alisema hakuna asiyejua Maalim Seif ni kipenzi cha Wazanzibari na ndiye anayeshinda uchaguzi mkuu wote Zanzibar. Alisema jaribio lolote la kumkamata na kumdhalilisha kwa kumweka ndani ni kulazimisha au kutaka kuitumbukiza Zanzibar na Tanzania katika machafuko ambayo kiongozi huyo hapendi kuona yanatokea. “CUF inamtaka IGP Mangu kufahamu, Maalim Seif na viongozi wote hawatatishwa wala kurudishwa nyuma au kunyamazishwa kwa aina yoyote ya vitisho katika kudai haki ya ushindi Zanzibar kutokana na uamuzi uliofanywa Oktoba 25, mwaka jana,”alisema. Alisema mpango wa kuishawishi dunia kuwachukulia hatua wahusika wote wa ukiukwaji wa haki za binadamu na uminywaji wa demokrasia uko pale pale hautasitishwa kwa vitisho. “Kama vitisho vikiendelea, CUF tutakwenda kumtembelea IGP Mangu ofisini kwake,”alisema.
Alisema wanashangazwa kuona mpaka sasa IGP Mangu,ameshindwa kumchukulia hatua za kumwajibisha Naibu Kamishna wa Polisi (DCP) na Naibu Mkurugenzi wa Mashtaka ya Jinai (DDCI), Salum Msangi dhidi ya kauli za vitisho na kibabe alizotoa kuhusiana na mawakili wanaofika vituo vya polisi kuwawakilisha na kuwatetea wananchi waliokamatwa kwa tuhuma mbalimbali. Mwishoni mwa Juni, mwaka huu wabunge wa Ukawa walimtaka Rais Dk. John Magufuli kutoa tamko juu ya uvunjifu wa haki za binadamu Zanzibar na kwamba wana mpango wa kumpeleka Mahakama ya Kimataifa ya Uhalifu (ICC), wakidai yanayotokea visiwani humo yana baraka zake. Wabunge hao walimtaka pia Waziri wa Mambo ya Ndani ya Nchi, Mwigulu Nchemba kwenda Zanzibar kujionea hali halisi badala ya kupata taarifa kutoka kwa wasaidizi wake. Mwenyekiti mwenza wa Umoja wa Katiba ya Wananchi (Ukawa), James Mbatia alisema hali ya kiusalama inazidi kuwa mbaya Pemba na Unguja kutokana na baadhi ya wananchi kupigwa na vikosi alivyodai ni vya usalama.
MNYIKA
Wakati huo huo, Mwanasheria Mkuu wa Serikali (AG) na Katibu Mkuu wa Jumuiya ya Afrika Mashariki(EAC), Dk. Liberat Mfumukeko,wamefunguliwa kesi ya kikatiba katika Mahakama ya Afrika Mashariki . Kesi hiyo, imefunguliwa jana ambapo mlalamikaji wa kwanza, ni Mwenyekiti wa Chama cha Demokrasia na Maendeleo (Chadema), Freeman Mbowe,Mbunge wa Kibamba, John Mnyika na mlalamikaji wa tatu akiwa ni Chama cha Chadema. Akizungumza na waandishi wa habari, baada ya kufungua kesi hiyo,Wakili wa Chadema, John Mallya alisema kesi hiyo ya kikatiba ni ya kupinga uvunjifu wa vifungu vya mkataba ulioanzisha Jumuiya hiyo. Alisema mkataba huo, unataka nchi ambazo ni wajumbe wa jumuiya hiyo kuheshimu masuala ya kidemokrasia,vyama vingi na uhuru wa watu kukusanyika.
“Nimeagizwa na wateja wangu Mbowe, Mnyika na Chadema,kuwafungulia kesi na nimeshaiwasilisha mahakamani na tuna imani itapangiwa majaji na hivi karibuni itaanza kusikilizwa”alisema na kuongeza “Sababu za msingi za kufungua kesi hii, ni zuio ambalo polisi wameliweka na Rais Magufuli amekuwa akilirudia mara kwa mara kwamba vyama vya siasa havipaswi kufanya shughuli za siasa wakati huu hasa mikutano ya hadhara hadi mwaka 2020,” alisema. Kwa upande wake, Mnyika ambaye ni mlalamikaji wa pili katika kesi hiyo, alisema Katiba ya Tanzania na Sheria zingekuwa zinaruhusu Rais aliyeko madarakani kushitakiwa, kesi hiyo wangemshtaki Rais Magufuli moja kwa moja. “Sheri zetu zingekuwa zinaruhusu kumshitaki Rais,leo tungemburuza Magufuli moja kwa moja, tutasimamia hoja mahakamani na tumeleta vielelezo mbalimbali, ikiwemo barua ya zuio la Polisi,mikutano ambayo imezuiwa ikiwamo wa Kahama…tunaamini vitakuwa ushahidi wa namna ambavyo Serikali ya Tanzania kupitia Polisi kukiuka mkataba wa Jumuiya.

PART 8 MAALIM SEIF SHARIFF HAMAD ANAENDELEA NA ZIARA YAKE HUKO NCHINI UHOLANZI NA KUBISHA HODI (ICC) INTERNATIONAL CRIMINAL COURT





Saa 3:30 hadi saa 5:00 asubuhi leo Ijumaa, tarehe 22 Julai, 2016, ujumbe wa CUF ukiongozwa na Maalim Seif Shariff Hamad ulifika Mahkama ya Kimataifa ya Uhalifu (International Criminal Court - ICC) mjini The Hague ambapo ulipokelewa na kukutana na mmoja wa wanasheria mahiri wa ICC.
Kabla ya kufika ICC leo asubuhi, hapo jana, saa 9:30 mchana Maalim Seif na timu yake walikutana na Wakili mmoja mashuhuri wa kimataifa wa hapa Uholanzi ambaye kupitia kampuni yake ana rekodi kubwa ya kusimamia kesi za ICC.
CUF imeipa kampuni hiyo jukumu la kuandaa na kuwasilisha ICC maelezo na vielelezo vinavyohusiana na uhalifu dhidi ya ubinadamu vilivyotendwa na vinavyoendelea kutendwa na vyombo vya dola Zanzibar kwa maelekezo ya wakuu wa mamlaka mbali mbali.
Taarifa kuhusu hatua nyengine na taratibu zitakazofuata baada ya hatua ya jana na ya leo zitatolewa kila hatua moja itakapokamilika.

Thursday, July 21, 2016

PART 7 MAALIM SEIF SHARIFF HAMAD ANAENDELEA NA ZIARA YAKE HUKO NCHINI UHOLANZI








Ziara ya Maalim Seif Sharif Hamad na ujumbe wake hapa nchini Uholanzi (The Netherlands) imeanza vyema leo ikiwa ndiyo siku ya kwanza kuanza kazi kwa kuwa na mikutano miwili mjini The Hague na mmoja mjini Amsterdam.
Saa 4:00 asubuhi Maalim Seif na ujumbe wake walikaribishwa Wizara ya Mambo ya Nje ya Uholanzi ambapo walikutana na Kaimu Mkurugenzi wa Idara ya Afrika, Bw. Paul J.M. Litjens na Ofisa anayeshughulikia Sera kwa eneo la Afrika Mashariki, Bibi Elin Hilwig, ambaye anashughulikia nchi za Tanzania, Mozambique, Madagascar, Mauritius na Comoros.
Mkutano ulikwenda vizuri sana na ulikuwa na maelewano makubwa ambapo Maalim Seif na timu yake walimueleza kwa undani Kaimu Mkurugenzi huyo na maofisa wake nini kilochotokea Oktoba 28, 2015 pale uchaguzi mkuu ulipotangazwa kufutwa na pia matukio yanayoendelea sasa, athari zake na pia kuwasilisha mapendekezo yake ya njia za kuitoa Zanzibar katika mkwamo iliomo sasa.
Maalim Seif pia aliwaeleza wenyeji wake fursa za kunyanyua uchumi wa Zanzibar ambapo kwa kushirikiana na wawekezaji kutoka Uholanzi zinaweza kuwaondolea Wazanzibari umasikini, kuzalisha ajira na kuweza kunyanyua maisha ya watu wake hasa vijana na hivyo kuondosha sababu zinazoweza kuwapelekea kukata tamaa na kutumiwa katika vitendo viovu.
Pichani ni Maalim Seif na ujumbe wake wakiwa kwenye Wizara ya Mambo ya Nje ya Uholanzi, mjini The Hague pamoja na Bw. Paul J.M. Litjens, Bibi Elin Hilwig na msaidizi wake.

RAI MWEME ZIJUWE HAKI ZAKO PINDI UKIKAMATWA NA POLICCM / MAKABURU WEUSI


Rais Mh DK Pombe anasema "inatakiwa ifike sehemu mtu akimuona Polisi aanze kuogopa,hayo mambo ya Polisi jamii ndio yanaongeza uhalifu,hakuna urafiki wa Polisi na Raia"
.... "mtu akimuona Polisi aanze kuogopa?? Tutafika kweli? 🙈🙈
ZIFAHAMU SHERIA ZAKO ZA MSINGI UKIKUTANA POLISI USINYANYASWE FANYA HAYA UWAPO MIKONONI MWA POLISI
IMEANDALIWA NA MAWAKILI.
1. Askari akikuweka chini ya ulinzi muulize kitambulisho ni haki yako.
2. Askari akikukamata akuoneshe kitambulisho chenye muhuri wa mahakama kama anasema ametumwa na mahakama kukumata, ni haki yako.
3. Askari akikukamata akwambie kwanini anakukamata na anakupeleka kituo gani, ni haki yako.
4. Unaruhusiwa na sheria kukataa kukamatwa hata kutumia nguvu kama hukuambiwa sababu ya kukamatwa.
5. Askari anapokiuka taratibu za ukamataji anageuka na kuwa mhalifu ni haki yako kujikinga naye.
6. Askari haruhusiwi kukuvuta shati, kukukaba koo, kukushika suruali kama hujakataa kutii amri halali.
7. Askari haruhusiwi kuondoka na mtu mwingine baada ya kumkosa mtuhumiwa halisi.
8. Askari haruhusiwi kupekua nyumba ya mtu bila kibali cha kupekua.
9. Askari lazima akuoneshe kibali cha kupekua na ukisome.
10. Kibali kieleze jina la aliyekitoa, kituo kilipotolewa,jina la mtu au sehemu ya upekuzi, au uchanganuzi wa mtu au sehemu.
11. Hairuhusiwi kupekuliwa usiku kuanzia saa 1 jioni mpaka saa 12 asubuhi.
12. Ni haki yako kumpekua askari kabla hajakupekua ili asipandikize kitu.
13. Usipekuliwa nyumbani bila kuwapo kiongozi wa mtaa.
14. Kila kitakachochukuliwa katika upekuzi lazima kiandikwe na askari aweke sahihi.
15. Mali iliyochukuliwa katika upekuzi lazima ibaki salama.
16. Mwanaume haruhisiwi kumpekua mwanamke na mwamke haruhisiwi kwa mwanaume.
17. Unaruhusiwa kukataa kupekuliwa iwapo taratibu hizi hazikufuatwa.
18. Askari haruhusiwi kukutukana wala kukupiga.
19. Unaruhusiwa kutozungumza lolote mpaka unayemuamini afike uwapo chini ya ulinzi, ni haki yako.
20. Usilazimishwe kuongea au kuandika ambacho hutaki, ni haki yako.
21. Usitoe maelezo bila uhakika yatatumika mahakamani yatakuletea shida.
22. Unaruhusiwa kukaa kimya na usizungumze kitu uwapo chini ya ulinzi.
SHARE KWA NDUGU, JAMAA NA MARAFIKI ILI WAZIFAHAMU HAKI ZAO

Wednesday, July 20, 2016

NCHINI ZANZIBAR SKULI ZA SEKONDARI ZILIZO FANYA VIBAYA AIBU

Shule 10 zilizofanya vibaya:

1.Mpendae-Unguja  Nchini Zanzibar2.Ben Bella-Unguja  Nchini Zanzibar3.Tumekuja-Unguja  Nchini Zanzibar
4.Green Bird Boys-Kilimanjaro5.Jang’ombe-Unguja Nchini Zanzibar6.Kiembe Samaki-Unguja Nchini Zanzibar
7.Tanzania Adventist-Arusha
8.Al- Ishan Girls-Unguja Nchini Zanzibar
9.Azania-Dar es Salaam10.Lumumba-Unguja Nchini Zanzibar

RAIS WA NYOYO ZA WAZANZIBARI MAALIM SEIF SHARIFF HAMAD ALIKWA NA MGOMBEA URAIS WA CHAMA CHA DEMOCRATI PART HILLARY CLINTON NCHINI MAREKANI

The presumptive presidential nominee for the US Democratic Party Hillary Clinton Has Invited the winner of October 2015 CUF Secretary General Seif Sheriff Hamad to her unveiling.
Hamad was invited  to the convention that will be held in Philadelphia, Pennsylvania, from July 25 to 28.In July 30 Maalim Seif will  fly to Boston to speak with Tanzanians in Boston , Massachusetts to tell them his campaign strategy  for the democracy and human right violations   in Tanzania and explain his non violent strategy after he was  robed  his Presidency in October 2015.Maalim Seif will arrive in Philadelphia in July 23rd from his diplomatic tour in Europe .Maalim Seif Pictured above in Amsterdam.
The invitations are courtesy of the International Leaders Forum (ILF), an event organised by the National Democratic Institute (NDI).
“It is a good forum that our Leader Maalim Seif will use to strengthen the party’s (CUF) image on the global platform after his tour to Europe,” said , Issa Kheri  spokesperson.
On his part, Mr Hamad said that the invitation was a good opportunity for Tanzania  to learn from a mature democracy like the US.
“Tanzania  is a young democracy and we must take every opportunity to learn when we can. Our CUF Party will be the largest party in Tanzania  and we can learn a lot from the US Democratic Party when we prepare for the  future elections,” he said in a statement.
MR Hamad will be part of the convention’s panellists from Africa besides foreign ambassadors, members of parliament, leaders of political parties, ministers and about 100 members of the United States-based diplomatic corps.
Invitees to the convention represent political parties in both established and emerging democracies across the world.
Mrs Clinton will make history as the first female president of the United States if she wins the November 4 election.
The former First Lady is set to battle billionaire businessman Donald Trump for the presidency after the latter was formally nominated as the Republican party flag bearer on Tuesday.
KISWAHILI
Mgombea anaetazamiwa kushinda uteuzi wa kiti cha urais kupitia Chama cha Democratic nchini Marekani bibi Hillary Clinton amemualika Mshindi wa Uchaguzi wa Oktoba 25, ambae pia ni katibu mkuu wa CUF Maalim Seif Sharif Hamad.
Hamad amealikwa katikaMkutano huo ambao utafanyika Philadelphia, Pennsylvania, kuanzia Julai 25-28. Maalim Seif atasafiri kwenda Boston tarehe 30 Julai kuzungumza na Watanzania kuhusu mkakati wake wa kampeni za kidemokrasia na uvunjwaji wa haki za binaadamu Tanzania, pia katika mkutano huo anatarajiwa kuzungumzia harakati zake za amani za kutafuta ushindi wake wa nafasi ya Urais ulioporwa baada ya uchaguzi wa mwezi Oktoba 2015.
Maalim Seif atawasili Philadephia tarehe 23 Julai akitokea katika ziara yake ya Kidiplomasi Kutoka Bara la Ulaya.
Mualiko huo ni kwa hisani ya Shirikisho la Kimataifa la International Leaders Forum ambao umeratibiwa na shirika la National Democratic Institute (NDI).
“Ni nafasi nzuri ambayo kiongozi wetu anaitumia kuimarisha chama chetu katika majukwaa ya kimataifa baada ya safari yake ya Ulaya” Amenukuliwa Issa Kheri Ofisa wa ngazi za juu wa chama cha CUF ambae pia anashiriki katika ziara hiyo.
Kwa upande wake Maalim Sief amesema ziara hiyo ni fursa nzuri kwa Tanzania kujifunza demokrasia kutoka Marekani, taifa ambalo limekuwa na ustaarabu mkubwa wa kidemokrasia.
“Tanzania ni nchi changa kidemokrasia na ni muhimu kujifunza kila tunapopata fursa ya kufanya hivyo. Chama chetu cha CUF kitakuwa chama kikubwa Tanzania na tunaweza kujifunza mambo mengi kutoka chama cha Democratic cha Marekani wakati tunajiandaa na chaguzi nyegine zinazokuja” Alisema Maalim Seif katika maelezo yake.
Bwana Hamad atakuwa sehemu ya jopo la mkutano huo wa uteuzi kutoka Afrika akiungana na wanadiplomasia, wabunge, viongozi wa vyama vya kisiasa, mawaziri na wanadiplomasi wengine mia moja wa Marekani
Waalikwa wa mkutano huo watawakilisha vyama vya kisiasa kutoka katika nchi zilizoendelea na zile zinazoibukia kidemokrasia kutoka sehemu tofauti za dunia.
Bibi Clinton ataandika historia kwa kuwa rais wa kwanza mwanamke wa marekani endapo atashinda katika uchgauzi utakaofanyika tarehe 4 Novemebr.
Bibi Hilary Clinton ambaye alikuwa mke wa rais wa zamani wa Marekani anatazamiwa kupambana vikali na mfanyabiashara tajiri Dolad Trump kwa ajili ya kuwania kiti cha urais baada ya kuchaguliwa rasmi kupeperusha bendera ya chama cha Repubican siku ya Jumanne.
Haya ni matunda ya mwanzo tu ya kueleweka na kuungwa mkono kwa Maalim Seif na mataifa mbali mbali ulimwenguni katika kuendeleza harakati zake za kuwapigania Wazanzibari.